香港新浪網 MySinaBlog
« 上一篇 | 下一篇 »
andrew | 9th Apr 2006, 6:56 AM | 美國

最近美國在討論放寬非法移民的工作權,有可能會在數年後引致另一次特赦。總的來說,墨西哥、非州和中國人都很支持,因為這些國家在美國的非法移民比較多。

我對這個問題了解不多,沒有想過支持或反對,不過聽過一個支持的論調,想寫一下。

有些人說,如果非法移民是不對的話,美國就沒有人了,因為美國本身是個移民國家,只有很少部分人是合法移民過來的。

其實這情況和香港以前很相似。文革時期前後,大批大陸非法移民偷渡來港,我的父母也是其中之一。在那時,香港不是個很了不起的地方,留在大陸也不見得一定糟糕。此外,還可以去台灣、新加坡、東南亞各國等,但當然不是 完全由自己決定。

對我們上一代來說,離開自己熟悉的地方,到一個還沒有發展的地方去生存,偷渡時有生命危險很常見,到了後不一定比留在大陸好,以前建立了的人脈關係大都沒有了,在新地方只有幾個親友互相照應。

以前的香港和美國的非法移民,是偷渡到一個充滿著未知之數的地方,他們承受了很大的風險,碰巧香港和美國都政治穩定,經濟發展得好,他們才有今天。

但現在非法移民去美國的人,是知道美國經濟好才去,偷渡的風險沒有以前那些人那麼大。

偷渡到一個發展中國家,並取得永久居民身份,容易但高風險,不一定有生活質素提昇的保證。

要到一個已發展了的國家,低風險的同時,就一定比較難了。沒有免費午餐。


[1]

就算唔放寬的話,美國政府都係對黑工、非法移民的問題隻眼開隻眼閉吧!如果唔係China Town早已永無寧日了。澳洲都係一樣,大農場全都係印尼黑工,各國都係見到有廉價勞工,心照不宣。

上左岸既人,永遠理得其他人死...


[引用] | 作者 Petit | 9th Apr 2006 10:57 AM | [舉報垃圾留言]

[2]

呢條移民法唔work,除非佢有法子趕盡所有黑工姐。好多人其實都唔想交稅。呢個諗頭太anglo喇...


[引用] | 作者 cheryl | 9th Apr 2006 11:50 AM | [舉報垃圾留言]

[3] Re:
Petit :
就算唔放寬的話,美國政府都係對黑工、非法移民的問題隻眼開隻眼閉吧!如果唔係China Town早已永無寧日了。澳洲都係一樣,大農場全都係印尼黑工,各國都係見到有廉價勞工,心照不宣。
上左岸既人,永遠理得其他人死...

係啦,如果真係要拉,去各大餐廳的廚房就大把啦。
好似話如果拉,監獄都唔夠。


[引用] | 作者 Andrew | 9th Apr 2006 12:25 PM | [舉報垃圾留言]

[4] Re:
cheryl :
呢條移民法唔work,除非佢有法子趕盡所有黑工姐。好多人其實都唔想交稅。呢個諗頭太anglo喇...

今日睇cnn,原來好多墨西哥人雖然係黑工,但係自己主動去交稅,真係唔知佢地點諗。真係從未諗過。

d 人諗,就得稅,好快就成為公民掛。


[引用] | 作者 Andrew | 9th Apr 2006 12:29 PM | [舉報垃圾留言]

[5]
Andrew :
cheryl :
呢條移民法唔work,除非佢有法子趕盡所有黑工姐。好多人其實都唔想交稅。呢個諗頭太anglo喇...

今日睇cnn,原來好多墨西哥人雖然係黑工,但係自己主動去交稅,真係唔知佢地點諗。真係從未諗過。
d 人諗,就得稅,好快就成為公民掛。

奇聞...真係你唔講我都唔知


[引用] | 作者 Petit | 9th Apr 2006 12:43 PM | [舉報垃圾留言]

[6]

cnn 都好信... :p


[引用] | 作者 cheryl | 9th Apr 2006 1:30 PM | [舉報垃圾留言]

[7]

如果係非法又做乜要放寬?咁即係叫有法不依定係法外有恩?

呢類做法最唔討好!emoticon


[引用] | 作者 妖夜叉 | 9th Apr 2006 3:14 PM | [舉報垃圾留言]

[8]

黑工主動去交稅,奇聞。

法律d野真係有時得個樣 中國法律條例又夠多喇,治理成點...大家有眼睇!


[引用] | 作者 tammy | 9th Apr 2006 5:31 PM | [舉報垃圾留言]

[9] Re:
cheryl :
cnn 都好信... :p

你都幾猛喎,可能field study係你唯一獲得資訊的方法....


[引用] | 作者 Andrew | 10th Apr 2006 3:14 AM | [舉報垃圾留言]

[10] Re:
妖夜叉 :
如果係非法又做乜要放寬?咁即係叫有法不依定係法外有恩?呢類做法最唔討好!

而家 d 人都係話為何有法不依。

其實實際問題是,根本沒有這麼多社會資源去實行遣反,而且黑工又在基層工作上貢獻良多。

另一個討論的要點是,美國是個自由國家,理論上你不犯法就可以做任何事 (當然犯移民法除外),遣反有點違背了美國立國精神。


[引用] | 作者 Andrew | 10th Apr 2006 3:18 AM | [舉報垃圾留言]

[11] Re:
tammy :
黑工主動去交稅,奇聞。 法律d野真係有時得個樣 中國法律條例又夠多喇,治理成點...大家有眼睇!

中國最大問題係政府官員還用舊思維做事,有法不依,再加上法律只空有系統,沒有足夠人材去維護法治精神。

另一個大問題是中央政府動輒繞過法律程序做事,立下壞榜樣。

不過這幾年間,情況已改變很多。


[引用] | 作者 Andrew | 10th Apr 2006 3:23 AM | [舉報垃圾留言]

[12]

都係聽番黎姐...在下意思並唔係指報導可以講大話,不過你知呢d野係香港都成日有,新聞多數都是片面的...


[引用] | 作者 cheryl | 10th Apr 2006 2:30 PM | [舉報垃圾留言]

[13] Re: Re:
Andrew :
妖夜叉 :如果係非法又做乜要放寬?咁即係叫有法不依定係法外有恩?呢類做法最唔討好!

而家 d 人都係話為何有法不依。
其實實際問題是,根本沒有這麼多社會資源去實行遣反,而且黑工又在基層工作上貢獻良多。
另一個討論的要點是,美國是個自由國家,理論上你不犯法就可以做任何事 (當然犯移民法除外),遣反有點違背了美國立國精神。

擺明就係剝削,要人地貢獻,福利又唔俾,重要散播謠言叫人交稅日後可能有著數。真係機關算盡。


[引用] | 作者 譚劍 | 10th Apr 2006 3:10 PM | [舉報垃圾留言]

[14]

今日新聞,好多人出來示威,反對正在討論的新移民法,呢個法例好嚴苛o窩。


[引用] | 作者 亞占 | 10th Apr 2006 6:37 PM | [舉報垃圾留言]

[15]

Andrew:
一係就大開中門來者不拒,一係就一個移民都唔收;客觀上,現代國家堅守任何一個極端都無可能....點樣收、收幾多?這把尺永遠在兩個極端之間飄來飄去。


[引用] | 作者 chris | 10th Apr 2006 8:45 PM | [舉報垃圾留言]

[16] Re: Re: Re:
譚劍 :
擺明就係剝削,要人地貢獻,福利又唔俾,重要散播謠言叫人交稅日後可能有著數。真係機關算盡。

呢個問題真係複雜到支持邊邊都有大條道理。

有論者認認為,他們是黑工,本來就沒有福利地在工作。強制要雇主提供醫療保險,這福利連很多美國人都沒有。而且這只會減低他們巿場上的競爭力。


[引用] | 作者 Andrew | 10th Apr 2006 8:58 PM | [舉報垃圾留言]

[17] Re:
亞占 :
今日新聞,好多人出來示威,反對正在討論的新移民法,呢個法例好嚴苛o窩。

最死都係個gust program要人先返回自己國家再慢慢申請。好多黑工在這裡已落地生根,有屋有工作有子女,叫人地點返去? 咪即係等於無。


[引用] | 作者 Andrew | 10th Apr 2006 9:00 PM | [舉報垃圾留言]

[18]
chris :
Andrew:
一係就大開中門來者不拒,一係就一個移民都唔收;客觀上,現代國家堅守任何一個極端都無可能....點樣收、收幾多?這把尺永遠在兩個極端之間飄來飄去。

以前美國可以話係來者不拒,不過現在保守派當道,興保護主義。


[引用] | 作者 Andrew | 10th Apr 2006 9:05 PM | [舉報垃圾留言]