香港新浪網 MySinaBlog
« 上一篇 | 下一篇 »
andrew | 16th Oct 2006, 6:14 AM | 經濟

著名的科技雜誌 Wired 雜誌編輯 Chris Anderson 今年出左本書,叫《長尾巴》(The Long Tail),可以在他的Blog 免費看 Chapter 1。

其實個道理好簡單,睇左少少已經知佢想講乜。

傳統商品銷售行業有 80-20 定律:80%的盈利出現在 20% 的產品銷售上。所以傳統的銷售模式好依賴 Big hit,如紅歌星的新唱片、新上市的 DVD、新上畫的電影,要配合強勁的宣傳催谷,把盈利集中在小數產品上,得就發,唔得就撻。因此造就左好多天皇巨星、bestseller 書和DVD。

但係到左數位時代,係 internet 開間公司,由於搜索技術的進步,以及唔須要將產品「上架」的費用,即使小眾的書、電影都可以照賣,變得公司的盈利唔再係集中於小數的產品。以網上 mp3 為例,在每一季,95%的專輯都有最少一首歌被購買下載。而最正既係,呢 d 舊歌、小眾興趣的成本價往往比 big hits 低,所以售賣呢 d 產品的邊際利潤比最新產品高好多。

網上賣書的Amazon、網上租 DVD 的 Netflix 、以及賣廣告的 Google,都受惠於這個現像,令呢d 公司可以踏入從前未開啟的小眾市場。

呢個現像都好美國文化下,因為美國講 individuality,10個人有11個不同的興趣。有人講過美國文化係無「潮流」呢回事,雖然係誇張左 d ,不過佢地的確係冇亞洲國家咁依賴潮流,唔潮就係罪行。

好自然的問題係,「長尾巴」係香港大陸台灣成唔成立呢?我地的消閑文化裡面,係咪好似美國咁由好多個唔同既「特殊興趣」小組組成?又好似少 d 喎。係香港,如果你太有個性,話比人聽你鐘意 d 非主流既玩意,人地咪覺得你扮野。不過,呢個都係我吹水,係無 data 之前,都係唔好咁快下定論。


[1]

看來 Internet 多少改善了 80:20 的定律,實在是很好的現象!

大公司,有充足的資金宣傳,碟更好賣,資金又更多... 結果個世界是大公司玩晒。(也不說不平等交易的事情了..)

祟尚潮流的社群,特徵就是沒有個性... -_-


[引用] | 作者 艾力 | 16th Oct 2006 7:07 PM | [舉報垃圾留言]

[2]

不平等競爭先岩...


[引用] | 作者 艾力 | 16th Oct 2006 7:08 PM | [舉報垃圾留言]

[3]

re 艾力:
其實我覺得而家"民智已開",你打造個大明星出來,大眾都唔一定個個接受,反而有好多人追求自己的品味,可能傳統個套都係唔多得。


[引用] | 作者 andrew | 17th Oct 2006 6:11 AM | [舉報垃圾留言]