香港新浪網 MySinaBlog
« 上一篇 | 下一篇 »
andrew | 8th Dec 2005, 12:01 AM | 科學

上集提到,南韓電視台MBC單挑權威科學家黃禹鍚,結果黃禹鍚出一招引咎辭職,即刻民意反彈(近排好興呢個字),廣大的市民為了挽留這位南韓唯一世界級科學家,發起了罷看MBC行動,廣告商又抽起廣告,佢地蝕到灘灘腰。

點解大家會咁撑黃生呢?又係涉及公眾利益問題。而家黃禹鍚在南韓和中國大熊貓一樣珍貴,不單止係佢發展出獨步世界的複製科技(其實係因為美國的法律禁止用人類胚胎),而且係佢象徵著南韓是一個先進的國家,為南韓脫亞入歐方面有很大意義。

有睇下韓劇都會發覺韓國其實仲係一個幾睇落去幾唔先進的國家,而黃生就象徵著世界看到南韓的高科技,真係幾堅架。

不過呢個又係令人担心的情況。係咪意味著,國家英雄不能侵犯呢?我唔係講肉體上,而係在佢地的處事方式上,個人操守上。南韓真係一個民族意識好強的國家,比著在香港,大家都是利字當頭:觀眾邊台電視好看就看,商家邊個收視率高就放廣告。

其實講到尾都是佢仲有利用價值,如何三五七年後佢冇乜研究成果,你估大家仲會唔會咁撑佢呢?傳媒呢次應學到個教訓,就係想隊笠一個民望咁高的人,唔可以操之過急,要慢慢來,陰d陰d咁。


[1]

其實我不太認識黃生?可否多介紹下?

不過,我印象中的韓國是很先進,發展得極快的啊!大學時韓國制的「賤兔」就讓港人知道不是日本的卡通片人物才可愛,之後才有韓劇大行其道喎!他們有samsung三星手機,有hyundai現代汽車,還有還有,他們去年還有複製狗snuppy出現,成時代雜誌的2004最佳發明之一喎!韓國一點也不落後呢!


[引用] | 作者 | 8th Dec 2005 2:54 AM | [舉報垃圾留言]

[2] Re 鳳

黃生咪係複製snuppy狗果位人兄law, 佢好堅架, 而家係複製技術上是世界第一, 開始做緊人類胚胎複製.

我就覺得南韓只係剛剛起步, 我都係hyundai, 因為夠平, hyundai 而家的位置就好似10年前的toyota, 剛剛開始質素上升, 於2000年前佢係全美意外率最高的氣車.

佢的路線同日本都幾似, 都係科技科學文化工業一齊搞, 仲搞得有聲有色. 不過佢同日本美國同歐洲就仲有一段距離, 睇住啦, 日本之後幾年都會出Nobel Prize, 有d仲係日本自己生產, 唔係留學外國, 但南韓就只有呢位黃生有機會. :O


[引用] | 作者 Andrew | 8th Dec 2005 3:35 AM | [舉報垃圾留言]

[3]

咁講法,黃生又真係韓國國寶喎! :O


[引用] | 作者 | 8th Dec 2005 5:17 AM | [舉報垃圾留言]