香港新浪網 MySinaBlog
« 上一篇 | 下一篇 »
andrew | 17th Dec 2005, 2:59 AM | 政治

平均分: 10.00 | 評分人數: 1

睇左沈旭暉在明報的「美新保守外交的內化現象」

上次布殊訪中國,去左個教堂做宗拜,我認為最好的解讀是佢在硬銷美國保守思想。美國呢條橋都夠絶,在自己財雄態大下,文化侵略又好,福音外交都好,目的就係美國文化價值要征服世界。

好似中國呢d有咁老歷史的國家,觀念上原本同西方非常咁唔同,如果要美國的政策在中國通行無阻,就真係要中國內有好一批人有住同美國一樣的價值取向。

美國而家兵分三路:


1. 文化產品

開放市場表面上係商品的流入,實際上都係文化的流入。好似電影、書本等,有意無意都會流露出美國的思想價值,例如自由、個人主義、自我奮鬥等,都係陰 d 陰 d 咁係我地享受產品時就同時輸入我地腦袋。


2. 新聞

世界的傳媒都親美,點解呢?其實大家都唔想,係因為美國傳媒財雄勢大,發佈很多新聞。各地傳媒資源有限,不得不引用美國傳媒的報導。咁樣咪間接將美國評論的觀點都報埋出來,幫美國宣傳law。

例如,前排汕尾開槍鎮壓事件,點解會同六四相提並論呢?咪就係因為New York Times 提起先。


3. 外交

都係硬銷,將人權,民主問題都放在談判桌上興經濟,開放市場一齊講。你總要答應佢幾樣,咁佢咪又改變左你國家的政策law。

誠如沈旭暉所講,共產黨要保住政權,要面對的唔單止係美國的保守派,而且最要小心的是,係國內的美國保守派。


[1]

不但對中國,對其他地方都係咁啦!世界各地哪裏沒有麥記、星巴克、迪士尼(或其產品)、荷里活電影etc?美國文化一早進駐各地...

不過,我唔明點解話布殊去禮拜係硬銷美國保守思想?


[引用] | 作者 | 17th Dec 2005 3:47 AM | [舉報垃圾留言]

[2] Re 鳳

如果我無理解錯,佢係好似教育緊中國人,宗教係好重要.

中國係一個會打壓信仰自由的國家,而又會日防夜防宗教勢力,因為宗教係令人民團結的思想,而這種思想同政府的做法一般都不相符,好容易會產生反政府傾向.

美國就唔同,宗教係佢地政府係好重要的指標,保守派成日想將天主教成變成政府內的道德規模,高舉傳統思想,如反隋胎,反同性戀咁.

如何比美國佬說到中國人應該以宗教作為政治上的道德規範,共產黨就係咁先啦.


[引用] | 作者 Andrew | 17th Dec 2005 4:16 AM | [舉報垃圾留言]

[3]

就好像在伊拉克,硬要民主投票,不理自己有多少傷兵,不理多危險的襲擊,更加不理伊拉克人其實不想要民主。這根本不是真民主,而是思想操縱。他們又認為你們中國人不尊重其宗教,不讓人們享有自由。姑勿論中方是對是錯,美這個出發點已經嚴重違背了自由的中心思想。一切的假仁假義,依然堅持用淪陷了的唯美宗教思想來掩飾。你理得人地黨與宗教有沒有掛勾的需要,你掛左都一樣係問題天天都多。一個字,冇腦。所以,好多時我都會認為身處係香港的政治環境尚算可以。但可惜我覺得有好多地方香港都希望隨著美國的步伐走,什至希望跟其看齊。我認為不是好事,因為始終人的前車之鑑能力有先天之不足,而且香港本身很多地方,尤其講錢,恐怕未及美國成熟。殆矣。


[引用] | 作者 hearmecry | 17th Dec 2005 9:32 AM | [舉報垃圾留言]

[4] Re hearyoucry

伊拉克而家就一鑊泡, 硬要民主投票對於呢個宗教分歧咁大的國家係一d好處都冇, 每個人只會投比自己宗教領袖. 最好應該係高壓統治幾年先, 再進行民主. 不過咁樣一定比人鬧.

亞洲地區有意冇意都會以美國為榜樣, 可以見到佢地文化侵略幾成功. 不過美國的制度的確有中國值得學習的地方, 只要唔好好似美國咁行單邊主義, 逼到人地走投無路就得啦.

美國真係步步緊迫, 唔講得笑, 不過逼得人地咁緊最後好容易自成其果.


[引用] | 作者 Andrew | 17th Dec 2005 10:38 AM | [舉報垃圾留言]

[5]

若看過片集"24" .就知道美國政府那種自以為"是".唯我獨尊的霸道 :O


[引用] | 作者 wanki爸 | 17th Dec 2005 10:43 AM | [舉報垃圾留言]

[6] Re: wanki爸
wanki爸 :
若看過片集"24" .就知道美國政府那種自以為"是".唯我獨尊的霸道

我都看過, 但冇乜印象lu.

其實美國人都幾nice, 至少我認識的是, 不過政府就霸道la. :S


[引用] | 作者 Andrew | 17th Dec 2005 10:51 AM | [舉報垃圾留言]

[7]

其實我對美國用文化, 外交及新聞的侵略沒有太大的反感, 如果是好嘢, 當然有市場啦! 不過, 最恐怖是最後她以戰爭去侵略並用以上的工具官冕堂皇的說有理, 嘩, 你咪話唔驚 :'(


[引用] | 作者 松尾 駿 | 17th Dec 2005 12:47 PM | [舉報垃圾留言]

[8]

美國可以係一個地方開鋪頭
但係個股文化可唔可以食到入腦
都係要睇當地人GE自我意識夠唔夠

「美新保守外交的內化現象」
呢條題我隻隻字都識
但加埋就唔知講乜
:)

佢GE見解OK架
不過我對佢印象最深
係佢每次出鏡或影相都咬咀唇
應該係一個貪靚GE人


[引用] | 作者 eggsplash | 17th Dec 2005 2:56 PM | [舉報垃圾留言]

[9]

照中國歷史上的法則
中國只會慣性同化人呀!
點會俾你同化倒呢? 8)


[引用] | 作者 上人 | 17th Dec 2005 6:29 PM | [舉報垃圾留言]

[10] Re: 松尾 駿
松尾 駿 :
其實我對美國用文化, 外交及新聞的侵略沒有太大的反感, 如果是好嘢, 當然有市場啦! 不過, 最恐怖是最後她以戰爭去侵略並用以上的工具官冕堂皇的說有理, 嘩, 你咪話唔驚

戰爭方面, 保守派的確係過火, 都引來好多人不滿. 以前d 美國人支持佢, 都真係因為相信係自衛, 而家發現情報錯了, 支持度一半都唔夠.


[引用] | 作者 Andrew | 17th Dec 2005 10:21 PM | [舉報垃圾留言]

[11] Re: eggsplash
eggsplash :
美國可以係一個地方開鋪頭
但係個股文化可唔可以食到入腦
都係要睇當地人GE自我意識夠唔夠
「美新保守外交的內化現象」
呢條題我隻隻字都識
但加埋就唔知講乜
佢GE見解OK架
不過我對佢印象最深
係佢每次出鏡或影相都咬咀唇
應該係一個貪靚GE人

哈, 講真, 我覺得佢寫d文用d 字成日都好學術咁, 鐘意show quali, 不過一般見解都唔錯, 咪繼續捧佢場law. :D


[引用] | 作者 Andrew | 17th Dec 2005 10:26 PM | [舉報垃圾留言]

[12] Re:
上人 :
照中國歷史上的法則
中國只會慣性同化人呀!
點會俾你同化倒呢?

都係呀, 中國人在歷史上的確好少比人同化.
我有種感覺, 而家的中國知識份子從未如此自卑過, 可能而家遊戲玩法唔同左, 好多野好反而要向外國學習.


[引用] | 作者 Andrew | 17th Dec 2005 10:29 PM | [舉報垃圾留言]

[13] 第一次來
Andrew :
上人 :照中國歷史上的法則中國只會慣性同化人呀!點會俾你同化倒呢?
都係呀, 中國人在歷史上的確好少比人同化.我有種感覺, 而家的中國知識份子從未如此自卑過, 可能而家遊戲玩法唔同左, 好多野好反而要向外國學習.
自共產黨上台,文革後,知識份子變得可有可無.更甚是中國的所謂"有中國特色的社會主義"只是西方的資本主義,中國人一下子被金錢吸引了,西方的文化,西方的價值觀繼而進入中國社會....


[引用] | 作者 ja | 18th Dec 2005 1:51 AM | [舉報垃圾留言]

[14] Re: 第一次來
ja :
自共產黨上台,文革後,知識份子變得可有可無.更甚是中國的所謂"有中國特色的社會主義"只是西方的資本主義,中國人一下子被金錢吸引了,西方的文化,西方的價值觀繼而進入中國社會....
歡迎!

哈哈, 希望佢吸叫埋西方國家的民主啦....


[引用] | 作者 Andrew | 18th Dec 2005 2:20 AM | [舉報垃圾留言]