香港新浪網 MySinaBlog
« 上一篇 | 下一篇 »
andrew | 21st Dec 2005, 5:04 AM | 美國

近日有意無意都同中國同胞談起呢個問題,美國在妖魔化中國,將中國描述為一個邪惡的國度,共產黨對人民作出高壓統治,仿佛已是很多同胞們的基本知識。

要了解呢個問題,當然要先睇下標準讀物,李希光的《妖魔化中國的背後》,但係未睇之前,姑且記下自己的想法。

坦白講,我在美國看到的新聞(我主要係睇 Newyork times,CNN,有時睇下Fox News),冇明顯地覺得傳媒係度妖魔化中國,都係有乜壞消息就報下,香港報紙都係咁。

思考下可能有以下情況:

1. 中國同胞唔習慣西方傳媒模式

香港同西方傳媒罵政府罵得好似食生菜咁,大家都唔當係乜一回事。但大陸就唔同,新聞自由仲未發逹到罵政府的地步,只係剛剛才開始報導多一點天災人禍的新聞。

2. 美國傳媒的確在妖魔化中國

美國傳媒是市場主導,美國向來自我公義加佢地覺得對世界有責任,而中國仲係專制統治國家,人權方便一定有好多問題,咁美國傳媒咪報多d大家鐘意聽的古仔,將中國形容得好差。

3. 中國同胞的愛國情結

呢樣野唔係個個都有,而且程度唔同。唔怕話你知,我識得有d人真係認為中國好完美,一黨專政係最好,民主係錯誤。雖然呢類人只係少數,但係佢地往往都好勇,敢於花時間同你辯論,而其他無乜意見的人往往都會為表愛國而支持佢地一下。

4. 政治制度不同

如果你諗下,中國人一直都係在精英制度下受統治,所以有好多觀念都同民主國家或較開放的社會如香港唔同。例如我有個大陸朋友,佢最初聽到共產黨做的壞事時唔相信,但係慢慢發覺其實都係真的,不過佢就話明白點解共產黨會咁做,只不過係為保住個政權者。

係我地睇來,保住個政權而草菅人命,係罪行;但係係中國人心目中,一個統治者要保住統治權,係最合理不過的事,都做左幾千年啦,皇上愛民如子就得啦。

5. 讀書敗類

仲有一類人我最不齒,就係一些讀書敗類,只會維護住共產黨的政策。當上面話一種政策,下面就有一班人去發明支持呢個政策的理論,仲好似大條道理咁,引經據典咁,仿佛呢個政策係宇宙大爆炸時已經註定的真理。

明天政策變了,佢地的理論又會更新,重唔怕自相矛盾,永遠都冇自己的主見。呢d 人係中國歷史中常常出現,估唔到呢個年代仲有,如果叫佢地係度開個blog,一定篇篇都上「奇文共賞」。


[1]

哼!讀書敗類? 自相矛盾? 香港仲多呀! 我宜家都要學下忽然間愛國, 希望加入土共集團撈番個幹部, 還掂簽個名就可以愛國愛民主 :S


[引用] | 作者 松尾 駿 | 21st Dec 2005 9:54 AM | [舉報垃圾留言]

[2] Re: 松尾 駿
松尾 駿 :
哼!讀書敗類? 自相矛盾? 香港仲多呀! 我宜家都要學下忽然間愛國, 希望加入土共集團撈番個幹部, 還掂簽個名就可以愛國愛民主

咁又係喎,香港真係好多,輪住見報tim!


[引用] | 作者 Andrew | 21st Dec 2005 10:09 AM | [舉報垃圾留言]

[3]

我認為中國人受了幾千年奴才思想制度枷鎖.向上順從擦鞋,向下欺壓任踏.

什麽改黨執政都離不開這個律,看看今日台灣似什麽.

香港,民建聯是政治乞兒,但民主黨甚致前線根本是搞屎棍大話精,對我這一般公民,只要安定,民生好已如願了 >:-(


[引用] | 作者 Wanki爸爸 | 21st Dec 2005 2:56 PM | [舉報垃圾留言]

[4]

「妖魔化」倒是真的。在好多美國人心目中,communism=evil,而中國就是個間接的同義詞了。不過好多人都認為,雖然共產不好,但民主也不可取。目前為止好像多個歐洲國家的social-capitalism為之比較完善。由於本人都對此為之認同,所以對大陸同胞的想法實不敢苟同。我不知道下一代會如何,亦不知道應否要香港保持與中國的這個文化鴻溝。但現在實在不忍心看見香港要被祖國同化...很多內地人只會覺得你們香港人驕傲自大,常搞事。有個朋友就問我,為什麼香港總是要遊行?是不是太無謂?早在80年代香港都有一定的文化及政治影響力,可惜,回歸後一切都被沖淡了。當當年的六四領袖們都向現實低頭時,那自由民主都走上回歸路了...哀哉!


[引用] | 作者 hearmecry | 21st Dec 2005 4:42 PM | [舉報垃圾留言]

[5]

SHIT!! 做咩亂咁同人起朵?? 你好噁心呀!


[引用] | 作者 hearmecry | 21st Dec 2005 4:44 PM | [舉報垃圾留言]

[6]

美國是否把中國妖魔化,當先要分析一下美國人對「妖魔」抱持甚麽樣的概念。

文化的差異,往往做成不必要的誤解,例如中國的視龍為吉祥瑞獸,英美文化(Anglo Culture)卻予龍以惡魔稱號,這在本質上已存有對立的味道。進一步而言,善惡這等價值,就不難生出觀念上的迴異。

首先,美國應該不會說自己妖魔化別國,而明顯地在於他們對善惡有一套自己的價值觀。他們採取的態度,是將對方的行為套入自己標準下的妖魔範疇,那便不算是妖魔化,而是一種如實的描述。但是,所謂「如實」的描述,當加入了價值判斷後是否仍舊「如實」?不難明白,加鹽加醋是增強了調味,而原材料的味道自然會變得遜色,又或是被嚴重蓋過。那麼,「如實」是指整個菜式所有材料的混合,還是原材料的味道?

從食客角度出發,菜式只要合口味即可,那去理會甚麼原材料、配料之分。但在廚師以至研究烹飪的人來說,就務必要分得清清楚楚。

作為食客的我們,無論對這些端上來的菜式生出怎樣的口碑,也不過是基於胃口而言,故此,不論是好是壞,當中是沒有一定準則。而這道妖魔化的菜式亦是一樣,是沒有肯定的答案。

國人認為內臟是上品,外國人認為是噁心?那麽到底是上品還是噁心?

啃得落並覺得津津有味自然會認定是上品,嚥不下便是噁心。

如果大部份的中國人也嚥不下,那普遍而言就變成噁心。同理,如果大部份中國人也認為不是身處妖魔國度,別人說成是妖魔就不過是在妖魔化中國。

佛說:「魔即是佛,佛即是魔。」沒有能力者,連魔也做不成,枉論被人妖魔化?非洲也有極權國家,為甚麼美國不把他們看成妖魔?無他,是為那些國家對美國毫無威脅吧了! 8)


[引用] | 作者 妖夜叉 | 21st Dec 2005 5:24 PM | [舉報垃圾留言]

[7] Re: Re: Re: 松尾 駿
上人 :
Andrew :
明天政策變了,佢地的理論又會更新,重唔怕自相矛盾,永遠都冇自己的主見

哈哈!簡直一矢中的!
不知所謂!
這種無恥令我想起<一九八四>
希望中國不要出現”老大哥”吧!

嘩, 洗唔洗圖文並茂咁正啊, 拿, 我冇講過啊! haha :P


[引用] | 作者 Andrew | 21st Dec 2005 8:40 PM | [舉報垃圾留言]

[8] Re: Wanki爸爸
Wanki爸爸 :
我認為中國人受了幾千年奴才思想制度枷鎖.向上順從擦鞋,向下欺壓任踏.
什麽改黨執政都離不開這個律,看看今日台灣似什麽.
香港,民建聯是政治乞兒,但民主黨甚致前線根本是搞屎棍大話精,對我這一般公民,只要安定,民生好已如願了 >

都係, 尤其是係知識分子, 仲好似以前仲開口埋口叫皇上呀, 接聖旨咁

所以香港要有民主, 真係要提昇下香港政客的質素.


[引用] | 作者 Andrew | 21st Dec 2005 8:53 PM | [舉報垃圾留言]

[9] Re: hearyoucry
hearmecry :
「妖魔化」倒是真的。在好多美國人心目中,communism=evil,而中國就是個間接的同義詞了。不過好多人都認為,雖然共產不好,但民主也
不可取。目前為止好像多個歐洲國家的social-capitalism為之比較完善。由於本人都對此為之認同,所以對大陸同胞的想法實不敢苟同。我不知
道下一代會如何,亦不知道應否要香港保持與中國的這個文化鴻溝。但現在實在不忍心看見香港要被祖國同化...很多內地人只會覺得你們香港人驕傲自大,常搞
事。有個朋友就問我,為什麼香港總是要遊行?是不是太無謂?早在80年代香港都有一定的文化及政治影響力,可惜,回歸後一切都被沖淡了。當當年的六四領袖
們都向現實低頭時,那自由民主都走上回歸路了...哀哉!

的確係咁, 尤其是係蘇聯倒台後, 好多人的目標都轉向中國.

不過現在情況有點不同, 他們看中國是一個專制資本主義國家, 加上在外交上的合作, 都幾同聲同氣, 就只係在迫害自己同胞方面唔肯讓步.

大陸對香港的輿論, 一般都係國家傳媒制造的, 佢地個point 係:

而家大陸好多人食都冇得食, 而香港人就浪費資源去爭取d無謂野.

呢個論點係大陸人的角度係好合理, 不過佢地忽略左:
1. 香港是已發展社會, 訴告同大陸唔同, 過多10幾年, 大陸都會有城市有同樣的訴求.
2. 好多人無得食, 係國內貪污同資料分佈不平衡做成, 同訴告無關.


[引用] | 作者 Andrew | 21st Dec 2005 9:12 PM | [舉報垃圾留言]

[10] Re:
hearmecry :
SHIT!! 做咩亂咁同人起朵?? 你好噁心呀!

sorry, 你的名號已除下!


[引用] | 作者 Andrew | 21st Dec 2005 9:13 PM | [舉報垃圾留言]

[11] Re 妖夜叉師兄

師兄所言甚是.

本書我都在看, 我諗佢地係唔滿意美國傳媒係到加鹽加醋.

我覺得大陸人係好介意人地點睇佢地, 包括個政府. 好似香港咁, 我地真係好想外國傳媒幫手罵埋一份, 但係如果係大陸, 好多人就會諗, 你係咪罵緊我, 即使大家罵的都係相同的東西.

我真係唔知點解佢地會咁諗, 有時我quote d 香港傳媒的文章, 佢地都會好反感, 但係明明罵的都係同佢地講緊的一樣東西. :(


[引用] | 作者 Andrew | 21st Dec 2005 9:29 PM | [舉報垃圾留言]

[12] Re: 上人
上人 :
Andrew :明天政策變了,佢地的理論又會更新,重唔怕自相矛盾,永遠都冇自己的主見
哈哈!簡直一矢中的! 不知所謂!這種無恥令我想起<一九八四>希望中國不要出現”老大哥”吧!

嘩! 沙龍都有, 我無嘢講


[引用] | 作者 松尾 駿 | 22nd Dec 2005 1:09 AM | [舉報垃圾留言]

[13]

讀書敗類???我也認為中國太多這個了!!! :S

冬至啊,真的好涷,祝大家快樂!


[引用] | 作者 jovi | 22nd Dec 2005 8:23 PM | [舉報垃圾留言]

[14] Re:
jovi :
讀書敗類???我也認為中國太多這個了!!!
冬至啊,真的好涷,祝大家快樂!
是的.
這兒也好凍啊, 也祝你冬至快樂!


[引用] | 作者 Andrew | 22nd Dec 2005 10:17 PM | [舉報垃圾留言]

[15]

人必自侮而後人侮之!我們都要努力,為中國人爭口氣啊! :(


[引用] | 作者 agnes | 24th Dec 2005 1:55 AM | [舉報垃圾留言]

[16] Re: agnes
agnes :
人必自侮而後人侮之!我們都要努力,為中國人爭口氣啊!

說得對,一同努力! ;)


[引用] | 作者 Andrew | 24th Dec 2005 2:00 AM | [舉報垃圾留言]