香港新浪網 MySinaBlog
« 上一篇 | 下一篇 »
andrew | 30th Dec 2005, 2:39 AM | 文化

大學選科是最難做的決擇,很多人的掙扎是,到底選一個「有用」的學系,還是選一個自己有興趣的?

1. 知否世事常變
你選學系時好hit的行業,到你畢業時又唔係咁世界

以資訊科技為例,科技股熱期間,人人爭著入去,分分鐘沒有幾條A都不用想。點知三年後,泡沫爆破了,工作也不易找。從前食頭啖湯的,都有被裁的風險。

聽聞N年前機械工程系收得很高,3A吧,但香港轉型後,製造業北上,到現在可能是3D了。

香港以後hit什麼,大家都知,就是金融和服務業,有意者可考慮一下。

不單環境變,你的興趣也會變。中學讀的科目有限,很多人都不知首機械工程和電子工程有什麼分別。有時到讀過了,才發覺不是自己的興趣。


2. 一生何求

教育的意義是什麼呢?香港在市場主導下,什麼都以自由市場為至上,連教育下一代都是以市場考慮為先。

我們讀書,讀中學,上大學,最終目標是啓發我們的思考,還是學一技之長,好在社會浮沉的遊戲中爭一長短?

當讀書變得功利,無用」的學系就要減少經費,好使納稅人的金錢流向更有用的地方。

 

3. 留我做個垃圾

在功利主義下,最「垃圾」的學系是什麼呢?

首推哲學系。雖然哲學系出了「串串共」的梁文道和李天命,但一般人都會覺得是不切實際的:沒有一種工作是只叫你純粹思考,也沒有工作要你解決廿二世紀的人類存在問題。

次等没用的,是歷史、文學之類。這些學科雖然與生活社會有關連,但太「通」,在這個已發展社會中,通才的需求不是很大。

但也不是沒用,如政治人才,要通歷史才能吸取教訓,要懂經濟才能避免下一次的「八萬五」,要懂管理才能分權而治。

再次次等没用的,是不適合香港社會的學系,如純科學。在日本美國都有很多做科研的公司,但是香港沒有。他們的生存方法是,搭條䓤比你:如物理行政管理系,令你學物理之餘,也不要失望,能學點求生技能。

 

Reference

一篇在香港主修歷史的人應該看看的文章:陶傑:〈關門的歷史系〉(無神論者的巴別塔)


[1]

"到底選一個「有用」的學系,還是選一個自己有興趣的?"

雖然我已畢業多年
但這問題很多時候都在我的腦海裡出現
我認為應該興趣先行
當然如果這興趣又是有用的就更好
但如果對一個學科無興趣
是很難去投入的
要知道大學不同於中學
很多時要做research
單靠testbook或教授發的notes是不夠的
(尤其當要寫essay和thesis時)
如果無興趣的話
就很難自發性去做

但我覺得在外國比HK好
HK太功利主義
讀個學位甚至MBA的唯一目的是賺錢
不能賺錢的就算自己多麼有興趣都要放棄
但我覺得外國比較能包容純為興趣而讀書的人

我曾經也有寫過類似的東東
http://wasabiuni.blogspot.com/2005/11/blog-post_13.html

那篇陶傑的文章寫得很好
too bad I cannot read his articles anymore... :S


[引用] | 作者 tsubasa | 30th Dec 2005 7:22 AM | [舉報垃圾留言]

[2] Re tsubasa

都係架,如果冇興趣,都好難讀得好。
不過好多人都情願保守d, 選一個有用的科目,冇辦法,搵食難。

陶傑寫d野,有時好有point, 有時好離譜。
點解唔再睇,怕愛上他嗎? :P


[引用] | 作者 Andrew | 30th Dec 2005 7:41 AM | [舉報垃圾留言]

[3]

以前讀歷史都話仲可以出黎教書,新高中學制實行時,不少中學會摺歷史,悲哀。


[引用] | 作者 亞占 | 30th Dec 2005 7:55 AM | [舉報垃圾留言]

[4] Re: 亞占
亞占 :
以前讀歷史都話仲可以出黎教書,新高中學制實行時,不少中學會摺歷史,悲哀。

都係架,不過應該都會請歷史系的,但就唔止係教歷史啦,要教多好多野。

最大問題,可能都係教師飽和。出生率下降,好多現職教師都可能無得撈啦。


[引用] | 作者 Andrew | 30th Dec 2005 8:52 AM | [舉報垃圾留言]

[5]

因為陶傑無再在"日月"報寫專欄嘛... ;)

是呀
覺得悲哀&無奈就是我們是活在現實社會中
就算幾講理想都要食飯生活 :S


[引用] | 作者 tsubasa | 30th Dec 2005 10:18 AM | [舉報垃圾留言]

[6]

問題係有邊個可以保證,當你讀完個d所為搵到食科目之後,你真係搵到食先?!!
橫掂都係搏一舖,幾大都揀自己有興趣讀啦! :P :P


[引用] | 作者 silly | 30th Dec 2005 10:35 AM | [舉報垃圾留言]

[7]

最完美, 當然係有興趣又搵到啖食啦, 但世事永不完美。
讀商的也不見得好, 除非來自名牌大學, 又要有些家底。
唉!


[引用] | 作者 bj | 30th Dec 2005 10:46 AM | [舉報垃圾留言]

[8] Re: 泵波鐘 silly
silly :
問題係有邊個可以保證,當你讀完個d所為搵到食科目之後,你真係搵到食先?!!
橫掂都係搏一舖,幾大都揀自己有興趣讀啦!

係呀, 讀完出來都唔知搵唔搵到架, 讀科熱門的,都叫做大d機會咁啦. :O


[引用] | 作者 Andrew | 30th Dec 2005 10:53 AM | [舉報垃圾留言]

[9] Re: bj
bj :
最完美, 當然係有興趣又搵到啖食啦, 但世事永不完美。
讀商的也不見得好, 除非來自名牌大學, 又要有些家底。
唉!

如果係李嘉誠個仔或個仔個仔都唔洗憂啦.


[引用] | 作者 Andrew | 30th Dec 2005 11:01 AM | [舉報垃圾留言]

[10]

但是讀科熱門的
競爭就會大了
除非自己是好outstanding
否則就跟n個人爭餐死
所以選科自己有興趣的
讀都讀得開心些
話唔埋成績好
搵工都可能容易些


[引用] | 作者 tsubasa | 30th Dec 2005 11:28 AM | [舉報垃圾留言]

[11] Re: tsubasa
tsubasa :
但是讀科熱門的
競爭就會大了
除非自己是好outstanding
否則就跟n個人爭餐死
所以選科自己有興趣的
讀都讀得開心些
話唔埋成績好
搵工都可能容易些

好似我以前咁都係為興趣, 讀得都幾開心, 不過搵工就.... 搞到而家都要讀.


[引用] | 作者 Andrew | 30th Dec 2005 11:32 AM | [舉報垃圾留言]

[12]

那真的是一個令人遺憾的事情, 不過, 這也是現實 :(


[引用] | 作者 松尾 駿 | 30th Dec 2005 11:39 AM | [舉報垃圾留言]

[13] Re: 松尾 駿
松尾 駿 :
那真的是一個令人遺憾的事情, 不過, 這也是現實

冇計 :(


[引用] | 作者 Andrew | 30th Dec 2005 11:51 AM | [舉報垃圾留言]

[14]

我是以興趣選科的
以前途選科好像有點不切實際
試問有幾多個自己讀的和出來工作的是有關的?
有關係的工作通常都熱門
除非自己是最top的那批人
否則要和一班人爭飯食實在是一件苦差

唉!不過有時真係有點矛盾
例如一個讀統計的人,出來社會做事又可以做甚麼工作呢? :'(


[引用] | 作者 上人 | 30th Dec 2005 1:57 PM | [舉報垃圾留言]

[15]

當年我都想過這問題...不過以我性格,一定是選興趣...因為我覺得沒興趣的東西是不會有心機讀下去。

anyway,結果我都沒讀大學,所以什麼都不用想眨眼


[引用] | 作者 魚魚 | 30th Dec 2005 8:31 PM | [舉報垃圾留言]

[16]

年青人勇敢d喇,讀自己鐘意果科吐舌頭


[引用] | 作者 tammy | 30th Dec 2005 8:54 PM | [舉報垃圾留言]

[17] Re: 上人

"唉!不過有時真係有點矛盾
例如一個讀統計的人,出來社會做事又可以做甚麼工作呢? :'("

你是讀統計嗎?haha,應該能找到些social/marketing research 的工作吧。


[引用] | 作者 Andrew | 30th Dec 2005 10:58 PM | [舉報垃圾留言]

[18] Re: 魚魚
魚魚 : 當年我都想過這問題...不過以我性格,一定是選興趣...因為我覺得沒興趣的東西是不會有心機讀下去。anyway,結果我都沒讀大學,所以什麼都不用想
haha, 我想你都是會選有興趣的了!


[引用] | 作者 Andrew | 30th Dec 2005 11:03 PM | [舉報垃圾留言]

[19] Re: tammy
tammy : 年青人勇敢d喇,讀自己鐘意果科
en, 我當年也是勇敢的年青人!


[引用] | 作者 Andrew | 30th Dec 2005 11:05 PM | [舉報垃圾留言]

[20]

嘻嘻~
我以舊文來回應~
http://xyz123st0258.mysinablog.com/index.php?op=ViewArticle&articleId=49511

CO2


[引用] | 作者 二氧化碳 CO2 | 31st Dec 2005 1:11 AM | [舉報垃圾留言]

[21]

香港可以有的機會大狹窄了,不功利也不行。以前本以為自己會唸設計的,但覺得在香港要在這一行掙扎要好多毅力,不是一分耕耘果隻。自己並不是什麼過人,可以唸法律或當醫生。但憑些少經驗說,除非真的要做「專業」,否則,唸一些自己不喜歡的只是買難受。次之,就是分數,根本沒有人問你看看你的certificate。要找好工作還是需做個醒目仔,一方面為自己鋪好路,有定計劃,唔好成日都「做住先」。另一方面都要多充實下自己吹水功力,學下點去impress人...基本上讀咩都唔係一個最大問題。不過,jupas又唔係話你想點就點,好多人都讀唔到自己想讀既科,把屁咩。仲有,點解考大學唔需要寫 personal essay?我覺得呢個好有問題喇...香港成日都要同外國看齊,衰在好多野都學d唔學d,搞到亂七八糟。jupas 30個option,真係低b中的低b。所以都好難怪畢業生一蟹不如一蟹.... 不過我諗我畢業都唔會番去住囉,工資咁低。都係捱埋個research化算d...呵呵


[引用] | 作者 hearmecry | 31st Dec 2005 1:15 PM | [舉報垃圾留言]

[22]

再發表一下...真係唔係好明點解政府唔好好重視所有教育。有個錢字個個都爭餐死。又冇乜人捐錢啦下,有都去投資投資再投資,又或者造就d唔識表演既藝人。點解我地社會偏偏重視d咁唔長遠既野?睇陶傑果篇文章,令我諗起一果日係學校同朋友溫緊書,有個人問我朋友accounting功課。原來同班但係冇點見過面咁。果條友history major,不過佢話taking it just for fun,我當然心裡暗自O 咀啦,但係係呢度其實係好多人major d 我地認為廢既科目,而且咩major同畢業做咩工既定型,真係少好多。外國月亮唔係特別圓,係有陰晴圓缺姐,唔係香港咁淨係得初一同十五咁囉...


[引用] | 作者 hearmecry | 31st Dec 2005 1:28 PM | [舉報垃圾留言]

[23] Re: hearyoucry
hearmecry : 香港可以有的機會大狹窄了,不功利也不行。以前本以為自己會唸設計的,但覺得在香港要在這一行掙扎要好多毅力,不是一分耕耘果隻。自己並不是什麼過人,可以唸法律或當醫生。但憑些少經驗說,除非真的要做「專業」,否則,唸一些自己不喜歡的只是買難受。次之,就是分數,根本沒有人問你看看你的certificate。要找好工作還是需做個醒目仔,一方面為自己鋪好路,有定計劃,唔好成日都「做住先」。另一方面都要多充實下自己吹水功力,學下點去impress人...基本上讀咩都唔係一個最大問題。不過,jupas又唔係話你想點就點,好多人都讀唔到自己想讀既科,把屁咩。仲有,點解考大學唔需要寫 personal essay?我覺得呢個好有問題喇...香港成日都要同外國看齊,衰在好多野都學d唔學d,搞到亂七八糟。jupas 30個option,真係低b中的低b。所以都好難怪畢業生一蟹不如一蟹.... 不過我諗我畢業都唔會番去住囉,工資咁低。都係捱埋個research化算d...呵呵

香港教育制度本身同外國好唔同,短期內都好難唔同外國睇齊。

不過有樣好係冇美國咁黑暗,就係因為佢地咁有彈性,所以富者先有能力入到好的學校,反而香港好一刀切咁只看成績,社會流動性又高好多。

諗清楚呀靚妹,research 都唔係咁好玩..... 


[引用] | 作者 Andrew | 31st Dec 2005 4:39 PM | [舉報垃圾留言]

[24] Re: hearyoucry
hearmecry : 再發表一下...真係唔係好明點解政府唔好好重視所有教育。有個錢字個個都爭餐死。又冇乜人捐錢啦下,有都去投資投資再投資,又或者造就d唔識表演既藝人。點解我地社會偏偏重視d咁唔長遠既野?睇陶傑果篇文章,令我諗起一果日係學校同朋友溫緊書,有個人問我朋友accounting功課。原來同班但係冇點見過面咁。果條友history major,不過佢話taking it just for fun,我當然心裡暗自O 咀啦,但係係呢度其實係好多人major d 我地認為廢既科目,而且咩major同畢業做咩工既定型,真係少好多。外國月亮唔係特別圓,係有陰晴圓缺姐,唔係香港咁淨係得初一同十五咁囉...

咁呢個又同社會資源有關。

係美國,唔好聽咁講,就算你中學畢業,有好多工你可以做,又唔係太差,仲可以好高人工tim,無計,因為呢個社會有好多工作本身的人不屑去做,在香港呢個情況就無咁好,在大陸簡直冇可能。

係我地的地方,你無一個專業資格,好難可以搵到高人工。 

happy new year! 


[引用] | 作者 Andrew | 31st Dec 2005 4:46 PM | [舉報垃圾留言]

[25] Re: Re: hearyoucry
Andrew : hearmecry : 香港可以有的機會大狹窄了,不功利也不行。以前本以為自己會唸設計的,但覺得在香港要在這一行掙扎要好多毅力,不是一分耕耘果隻。自己並不是什麼過人,可以唸法律或當醫生。但憑些少經驗說,除非真的要做「專業」,否則,唸一些自己不喜歡的只是買難受。次之,就是分數,根本沒有人問你看看你的certificate。要找好工作還是需做個醒目仔,一方面為自己鋪好路,有定計劃,唔好成日都「做住先」。另一方面都要多充實下自己吹水功力,學下點去impress人...基本上讀咩都唔係一個最大問題。不過,jupas又唔係話你想點就點,好多人都讀唔到自己想讀既科,把屁咩。仲有,點解考大學唔需要寫 personal essay?我覺得呢個好有問題喇...香港成日都要同外國看齊,衰在好多野都學d唔學d,搞到亂七八糟。jupas 30個option,真係低b中的低b。所以都好難怪畢業生一蟹不如一蟹.... 不過我諗我畢業都唔會番去住囉,工資咁低。都係捱埋個research化算d...呵呵 香港教育制度本身同外國好唔同,短期內都好難唔同外國睇齊。不過有樣好係冇美國咁黑暗,就係因為佢地咁有彈性,所以富者先有能力入到好的學校,反而香港好一刀切咁只看成績,社會流動性又高好多。 諗清楚呀靚妹,research 都唔係咁好玩..... 

玩?有錢都冇命玩啦...有咁諗法但未必有能力做到啦。都係盡下人事啦。

最終人類社會都係一個永恆既定律...變只變個setting,我覺得好多年之後或者有機會中國係第二個美國

你就happy啦,玩雪。我被人呃左,都冇雪,係凍到「雪雪」聲囉。 今朝仲係sf,4點起身去咩古堡,坐車坐到喊...而家成點鐘都要訓喇,人家明早要番工哩。聽晚先happy啦~


[引用] | 作者 hearmecry | 31st Dec 2005 5:17 PM | [舉報垃圾留言]

[26] Re: Re: Re: hearyoucry
玩?有錢都冇命玩啦...有咁諗法但未必有能力做到啦。都係盡下人事啦。最終人類社會都係一個永恆既定律...變只變個setting,我覺得好多年之後或者有機會中國係第二個美國你就happy啦,玩雪。我被人呃左,都冇雪,係凍到「雪雪」聲囉。 今朝仲係sf,4點起身去咩古堡,坐車坐到喊...而家成點鐘都要訓喇,人家明早要番工哩。聽晚先happy啦~

haha, 冇車就係慘。

唔緊要,雪之麻,睇開d,來日方長。

不過做research有到好就係冇王管。 


[引用] | 作者 Andrew | 31st Dec 2005 5:26 PM | [舉報垃圾留言]

[27]

我覺得答呢條問題之前

要了解自己係meh人,對自己老實點

有d人可以為別人的期望而活

有d人只可以忠於自己

(即使他喜歡的東西無錢搵)

為別人而活咪等佢地幫你揀囉

忠於自己咪選自己鍾意ge科囉

 


[引用] | 作者 eggsplash | 3rd Jan 2006 7:07 PM | [舉報垃圾留言]

[28] Re:
eggsplash : 我覺得答呢條問題之前要了解自己係meh人,對自己老實點有d人可以為別人的期望而活有d人只可以忠於自己(即使他喜歡的東西無錢搵)為別人而活咪等佢地幫你揀囉忠於自己咪選自己鍾意ge科囉 
都係架,不過選科時只係中七,未必個個人都對自己咁了解,而且選左後,大多幾年,生活需要唔同左,取向又會變,都幾難服待架。


[引用] | 作者 Andrew | 3rd Jan 2006 10:46 PM | [舉報垃圾留言]